مرحبا ويسعد اوقاتكم بالخير
لح نعمل سوا بانكيك الشوكولاته سهلة وسريعة ومقاديرها موجودين بكل بيت كافية لعمل 6 قطع تعو نحضرها سوا
المقادير:
للبانكيك:
للبانكيك:
بيضة واحدة كبيرة
ملعقتان زبدة
كوب حليب
من 4- 6 ملاعق سكر على حسب الذوق
نصف ملعقة صغيرة فانيلا
ثلاث ارباع الكوب طحين
ربع كوب كاكاو غير محلى
ملعقة صغيرة بيكينغ بودر
نصف ملعقة صغيرة بيكينغ صودا
نصف كوب قطع شوكولا (تشيكليت تشيبس)
للتقديم:
صوص الشوكولا أو يمكنك إضافة العسل او الحليب المكثف المحلى
قطع مكسرات (إختياري)
فواكه (إختياري)
الخطوات:
لح نحط في وعاء البيضة والفانيلامنضيف الحليب والزبدة ومنخلط
بوعاء تاني منجمع المواد الجافة (الطحين، الكاكاو، السكر، البيكينغ بودر والبيكينغ صودا) ومنخلطهم ومنضيفهم للخليط الاول
هيدا خليط البانكيك صار جاهز
منحط شوية زيت في الطواية ومنحط فوقهم ملعقة كبيرة من الخليط
منرجع منحط فوقهم حبيبات الشوكولا متل ما بتوضح الصور ولما تنضج منقلبها لتنضج من الميلة التانية
منسكبهم على صحن التقديم ومنزين بالصوص وبالموجود بالبيت
بترككم مع صور التقديم
بالعااافية وصحتين
لمزيد من الوصفات تابعوا صفحاتي على مواقع التواصل الإجتماعي