مرحبا ويسعد أوقاتكم بكل خير يا حلوين...
وصفة اليوم هي حلو عربي شهير بيحبو الكبار والزغار والجدير بالذكر بالموضوع إنو مقاديرو مفيدة ولما لح تعمليه بالبيت لح تكوني مطمنة إنو عيلتك وأولادك عم يأكلوا بنظافة بعيدا عن المواد الحافظة، بالإضافة إلى انو أنت عم تختاري نوعية المقادير وجودتها وماركتها، وهيدا لحالو راحة نفسية!
حلاوة الجبن الشهيرة هي واحدة من الوصفات اللي ما تعودنا إنو نعملها بالبيت، بس كوني أكيدة بعدما تجربيها أنك لح تفضليها عن شغل السوق متلها متل معظم الحلويات الي عم نطبقها سوا بالبيت.
ولما لح تلاقي إيدك أخدت عالموضوع لح يصير سهل عليك تعمليها وتعيديها وكل مرة لح تكون عجقة أقل، وأنا تعمدت إنو قدمها مشلخة يعني مش رول لحتى نختصر خطوات وتحسوا انو الموضوع ما بدو لبكة!
(وبرضو لح تشوفو بنهاية المقال طريقة الرول بشكل سريع)
(وبرضو لح تشوفو بنهاية المقال طريقة الرول بشكل سريع)
ببساطة المقادير موجودين ببيتك وبتستعمليهم دايما، ما في شي جديد، خلونا نبلش سوا بالمقادير وأكيد متل ما عودتكم بالخطوات المصورة تفصيلياً.
المقادير:
نصف كيلو جبن عكاوي
نصف كوب من الماء
ربع كوب من السميد الناعم (بالأسواق ممكن تلاقيه بإسم "سيمولينا" وبيروت منسميه طحين فرخة)
قطر (كوبان سكر مع كوب ماء وعصرة حامض نغليهم لربع ساعة)
ماء زهر
للتقديم نحن بحاجة ل:
القشطة (إضغط هنا لوصفة القشطة)
الفستق الحلبي
مربى زهر الليمون
وطبعاً القطر
الخطوات:
أول خطوة مطلوب نعملها قبل ما نبلش بأي شي هي تحلاية الجبن العكاوي
قطعي الجبنة إلى قطع صغيرة إلى متوسطة الحجم وانقعيها بالماي وغيري الماي كل ساعة او نصف ساعة لحتى توصلي لمرحلة تذوقي الجبنة وتلاقيها صارت حلوة تماماً وخالية من الملح.
هلق بالغالب المحلات التجارية بتعتمد على انواع من الجبن حلو وهوي خاص بالحلويات ليختصروا هالخطوة، إذا لقيت منو بيكون منيح وإذا ما لقيتت منو إنسيه تماما واستخدمي العكاوي وحليها، العكاوي رااااائعة بالحلويات العربية.
والبعض كمين بيستخدم الجبنة الشلل وبينقعها ليحليها، وفي ناس بتستخدم جبن الموتزيريلا كمين تنيناتن أوكي، بس خلو بالكم انو الافضل هي الجبن الشلل أو العكاوي التشيكي القابلة للسوحان وهيدا شرط لانو في نوعيات عكاوي لو شو ما عملتو ما بتسوح بتضلها قطع ولما لح تضيفي السميد لح يتحول الموضوع لكباتيل وبينتهي هوني الأمر، فلما تشتري الجبنة مطلوب يكون البائع جازملك إنو نوعيتها جيدة وإنو بتسوح تماماً.
والبعض كمين بيستخدم الجبنة الشلل وبينقعها ليحليها، وفي ناس بتستخدم جبن الموتزيريلا كمين تنيناتن أوكي، بس خلو بالكم انو الافضل هي الجبن الشلل أو العكاوي التشيكي القابلة للسوحان وهيدا شرط لانو في نوعيات عكاوي لو شو ما عملتو ما بتسوح بتضلها قطع ولما لح تضيفي السميد لح يتحول الموضوع لكباتيل وبينتهي هوني الأمر، فلما تشتري الجبنة مطلوب يكون البائع جازملك إنو نوعيتها جيدة وإنو بتسوح تماماً.
الخطوة الأولى لعمل عجينة حلاوة الجبن هي بوضع وعاء على النار منحط فيه الماء وبعدين منضيف الجبن اللي حليناها ولا بأس بفكرة انو نفتفت الجبنة لحتى تسوح بشكل اسرع
شوفوا كيف بلشت تسوح الجبنة ولح نتركها بعد لتسوح اكتر وبنصف عملية السوحان منضيف حوالي ملعقة من القطر وخلوا بالكم إنو اذا كترتو قطر كتير لح تصير العجينة قاسية
القطر بيخلي العجينة تقسى وما في حل للعودة الى الوراء خلص انتزعت ويعطيكم العافية. وهيدا السر اكتشفتو بعد كتير من المحاولات وهيدي الوصفة على فكرة هي بعد تعديل وتغيير وتجربة كتير من الوصفات وبعد فشل لكتير من المرات لحتى وصلت لهيدي الوصفة الناجحة الخاصة فيني لأنو الإنترنت مليء بالوصفات الغير مرضية، وأنا عن نفسي ما بنصحكم تجربو أي وصفة من الإنترنت إلا من المواقع إلي بتوثقوا فيها ولو كانت مقدمة بطريقة شهية.
نصيحة تانية للي بدها تطبق الوصفة بليز ارجعي إقرأي المقال مرة كذا مرة لحتى نتنبهي لكل الملاحظات ولتتلافي يصير أخطاء، التزمي بالإرشادات وإن شاء الله حتنجح من اول مرة.
نصيحة تانية للي بدها تطبق الوصفة بليز ارجعي إقرأي المقال مرة كذا مرة لحتى نتنبهي لكل الملاحظات ولتتلافي يصير أخطاء، التزمي بالإرشادات وإن شاء الله حتنجح من اول مرة.
بعد القطر منضيف السميد الناعم ومنضلنا عم نحرك لحتى السميد يتجانس مع الخليط وما يعود مبرغل وخلو بالكم إنو بهالمرحلة بدو يكون الغاز على الواطي ابدا مش بدرجة حرارة عالية تما تلزق الجبنة وتحترق
وهيك صارت العجينة مطاطية ومنضلنا عم نحرك لتصير ماسكة نفسها
مننقل العجينة على الكاونتر وطبعا من الضروري جدا إنو يكون الكاونتر معقم ونضيف جداً جداً جداً
منضيف العجينة على الكاونتر فوق القليل من ماء الزهر والقطر لحتى تتماسك العجينة أكتر معنا
الشغل بهالمرحلة بيحتاج صبر وسرعة لانو من المطلوب نعجنها ونقلبها بإيدنا وهي سخنة قبل ما تبرد
التقليب والعجن بيكون باليدين ومن الجوانب إلى الوسط كما في الصور
التقليب والعجن بيكون باليدين ومن الجوانب إلى الوسط كما في الصور
وبعدين بتفرديها وبتشلخيها بإيديك إلى قطع وبتحطيهم على صحن التقديم متل ما عم تبين الصور
طبعا بإستطاعتك تقدميهم بالاسلوب اللي بتحبيه وعلى حسب قديش معك وقت
شوفوا ماشاء الله كمية نصف كيلو من الجبن العكاوي أو أكثر شوي بتعملكم صحن كامل وعملت صحن صغير جانباً لإعطاء فكرة إضافية بطريقة تقديم مختلفة
بعدما تبرد الجبنة بيصير فينا نضيف القشطة وبعدين بقى أنتو حرين بشو بدكم تزينو ومتل العادة منجود من الموجود وما تأخروا تطبيق وصفة في حال كان في شي من اغراض الزينة مش موجود
تقدم باردة مع القطر البارد وفيكم تزينوا بالفستق الحبي المطحون وانا بشكل شخصي بحبو يكون مطحون بس قطع كبيرة أكتر مش ناعم وطبعا كل واحد وذوقو
أترككم مع صور التقديم وصحتين وهنا سلفا على قلوبكم وما تنسوني من الدعاء
ختاماً، اذا حابة تقدميها بشكلها التقليدي (رول) افردي العجينة وهي سخنة وقطعيها إلى مربعات أو مستطيلات وبعدين احشيهم بالقشطة ولفيهم وزينيهم، وهاي صورة من الأرشيف
بالعافية عليكم يا حلوين وتذكروني في دعائكم...
لمزيد من الوصفات تابعوا صفحاتي على مواقع التواصل الإجتماعي
No comments:
Post a Comment